LeBron James hoin Lakers-in semifinal lut

NBA In Season Tournament quarterfinal-ah Los Angeles Lakers chuan nimin khan Phoenix Suns chu 106-103 in an hneh a, semifinal an lut. Final khel tur zawnna hi December 8, Zirtawpni zingah neih a ni dawn a, Lakers hian Milwaukee Bucks a hmachhawn ang.

Lakers tan kum 38 mi LeBron James hian point 31 a nei a, heng zinga 15 hi fourth quarter-a a khung a ni. James chuan, "Hun rei tak ka inkhel tawh a, ka hna tur ka chiang. Tun ṭuma ka tih tur ang ka ti thei hi ka lawm," tiin a sawi.

Inkhel dangah Giannis Antetokounmpo hoin Milwaukee Bucks chuan 146-122 in New York Knicks an hneh a, Bucks hian semifinal-ah Indiana Pacers an hmachhawn ang. In Season Tournament hi a vawi khatna a ni a, season kal laia neih niin quarterfinal leh semifinal-a match hi regular season match ang thoa chhiar tur a ni.