Goa lakah Mizoram vanduai

India ram pum huap inelna 73rd Senior National Basketball Championship khelh laiah, nimin khan Mizoram chuan an group match hnuhnung ber khelin Goa lakah 66-56 in an chak lo.

Inelna hi Ludhiana-ah neih niin, Mizoram aiawh hian Mizoram Super League (MSL) champion lai Khatla TBL an feh chhuak. Mizoram hian match vawi nga an khel a, an khingpui zingah West Bengal, Meghalaya leh Andaman te an hneh. Vawi thum chak mah se Haryana leh Goa te an ngam lo thung.

Nakkumah chuan National Games hi Uttarakhand-ah khelh a ni dawn a, Mizoramin National Games-a basketball team tir tur chuan tun ṭum inelnaah team 34 zingah a sang pariat zingah tel a ngai. State dang inkhel result a zirin an dinhmun a la chiang dawn a ni.