Sprint race paruk awmna tur chiang

Car intlansiakna sang ber Formua 1 season thar hman dan tur an siam fel chho mek a, intlansiak tak neih hmaa neih ṭhin Sprint Race chu vawi ruk neih a ni dawn a, a hmun tur pawh tihchian a ni tawh.

Sprint race hi China, Miami, Austria, Austin, Sao Paulo leh Qatar-ah te tlan a ni dawn. Hengah te hian engtiang taka kalpui tur nge tih leh, qualifying leh intlansiak pangngai tih tawi chungchangte erawh sawi ho mek zel a la ni thung.

F1 president Stefano Domenicali chuan, "Kum 2021 aṭangin Sprint race neih a ni a, hei hian intlansiak a tihmuhnawmin entu pawh a tipung ngei niah kan ngai, a hmun mai bakah TV lama entu an tam phah, season tharah pawh ṭha lehzual zawka hman theih kan inring," a ti.