Kane-a'n kir lam a ngaihtuah lo

Bayern Munich forward Harry Kane chuan Premier League-a kir leh lam a ngaihtuah rih loh thu a sawi a, English striker chuan, "Chutiang thleng thlengin tun dinhmunah chuan ngaihtuahna ka la seng rih lo," a ti.

Kum 30 mi Kane hian tun season ṭan dawn khan Tottenham Hotspur chhuahsanin Bayern Munich a pan a, inelna hrang hrangah match 18 khelin goal 22 ngawt a khung leh der tawh.

English striker Kane chuan, "Thil thui tak ka thlir rih lo. Tunah chuan Bayern-ah ka awm a, kan match khelh leh tur chiah ka ngaihtuah. Chumi zawhah match khelh tur dang ka ngaihtuah leh ang," a ti!

Bayern hian zanin dar 8:00-ah Bundesliga match khelh tur an nei a, Eintracht Frankfurt chu khualmualah an lenchilh ang. League match 12 khel tawhin pahnihna an ni mek a, hmahruaitu Bayer Leverkusen chu point thumin an phak lo - match khatin an khel tlem thung.