Auckland-ah Raducanu a lo kir dawn

Emma Raducanu chuan season thar tirah tennis a khel ṭan leh dawn - January thla chawlhkar hmasa bera khelh tur Auckland-ah a inlan dawn, a tel theih tur thu hi tournament buatsaihtu lamin an puang chiang tawh a ni.

Kum 2921 US Open champion hi hliam vangin a inkhel mumal lo rei ta hle, kumin April thla hnu khan a la inkhel leh lo. World ranking lamah pawh a sang pawlte ni ve hman ṭhin mah se, tunah chuan number 296-naah a tlahniam tawh.

Tournament neih turah hian duhsak takin wildcard pek a ni a, ani bakah hian US Open champion Coco Gauff leh world number 1 hlui Caroline Wozniacki te pawh an inlan dawn, player tel tur an ṭha hle.

Auckland Classic hi nakkum January 1-7 chhunga khelh tur a ni dawn a, inelna hi Asutralian Open inbuatsaihna zinga mi a ni ang. Grand Slam hmasa ber hi January 14 aṭanga khelh ṭan tur a ni thung.