Champion lai Chawnpui an him

Mizoram Police leh Chanmari FC hnung zuiin MPL champion lai Chawnpui FC-in 3-1 a Project Veng FC hnehin semifinal an lut. Lalrindika Hmarin chetsual a pawi thei tih hriain inhliam chungin Valalthanga a luhtir a, Hualngohmun tlangval hian goal ṭha zet a khungsak.

RG Stadium-a inkhelah Chawnpui FC-in inkhel an thunun thei bik lo a, chutihrualin team pahnih danglamna erawh Vanlalthanga leh David Laltlansanga te an ni. VL Thanga hian a hun ṭha neih hmasak pet over luah mah se minute 45-naah box pawn aṭangin goal kilah a pet lut.

Project Veng hian second half-ah corner kick hmang ṭangkaiin Jack Lianlalmawi Neihsial hmangin si phurh an sut a, mahse substitute banch aṭanga lut Avida'n minute hnih hnuah si phurh a sut. K. Lalrosanga ball fing chu Joseph Lalmuanawma'n nang fuh chiahin a cross ball chu Avida'n a khung a, Chawnpuiin Project Veng tlarhnung an ṭhiat chiang hle.

Project Veng goalkeeper H. Lalrinzuala'n minute 78-naah Peter Lalrinhlua khalh tlang tur a tihtluk avangin hnawhchhuah a ni a, player 10-a khel lamah Avida'n goal khat dang a khung leh bawk.