MBBA leh NBN23 inrem

Mizoram Basketball Association (MBBA) chuan hmasawn zelin, tun hnai khan NBN23 & Gopalakrishnan R Country Manager India nen inremna an ziak a, an inremna ang hian MBBA player-te chet dan statistics chu khawl hmanga vawn ṭhat (digitize) a ni ang.

Park Plaza Hotel, Ludhiana-ah MBBA aiawhin K. Zorammuana, vice president leh Zomuanpuia, general secretary ten an ziak a, NBN23 lam aṭangin David Garcia, expansion manager chuan hming a ziak thung.

NBN23 hi Spanish based sports technology company a ni a, a thil tum ber chu amateur basketball khawvel pum huap a digitize a ni. Khawvel ram 70 aia tam basketball huaihawt tu te, player nuai 25 chuang enkawltu te nen inremna nei lai an ni.

MBBA hi India rama basketball a player-te statistic digitise hmasbertu an ni a, MSL8-ah khan NBN23 Swishh App hi pilot basis hlawhtling takin a lo hmang chhin tawh a ni.