Mizoram leh Manipur inhnehtawk

India rama state hrang hrang mipa cricket team, kum 23 hnuai lam inelna Col C K Nayudu Trophy khelh mekah Mizoram leh Manipur te chu an inhnehtawk. Mizoram hian 1st innings-ah hma an hruai avangin point thum an hmuh laiin Manipur lamin point khat an hmu thung.

Mizoram hian 1st innings-ah run 220-in hma an hruai a, 2nd innings-ah Manipur lamin over 84 chhunga run 216 siamin wicket sarih an hloh. Mizoram lam an bat ve hman tawh lo a, team pahnih hi inhnehtawka puan an ni..

Plate Group-ah Mizoram hi team dang pakua nen an awmkhawm, match riat an khelh tawhah point 15 neiin pasarihna dinhmun an luah. Hmahruaitu Pondicherry chuan point 45 an hmu tawh thung.