Arsenal ṭantute luangchhuak

Mizoram Arsenal Supporters' Club te chu ṭanpui ngaite tan an che chhuak. MASC hian kum danga a lo tih ṭhin tawh angin 'Luan Chhuah 2023' a buatsaih a, December 10, Pathianni khan an pawisa thawh khawm Rs 1,41,500 chu an sem chhuak a ni.

Luan Chhuah 2023 hi Aizawl chhuah lamah an hmang. Zemabawk East, Airfield Veng, Tuirial leh Tuikhurhlu bakah Hospice Care Unit (a thlawna Cancer veite enkawlna hmun) Zemabawkah hun an hmang.

MASC Luan Chhuahah hian Mizo Arsenal tantute thil pek tling khawm Rs 1,41,500 niin, chhungkaw pariat hnenah Rs 10,000 ṭheuh leh Hospice Care Unit-ah Rs 61,500 hlan a ni.

Mizoram Arsenal Supporters' Club chuan thuchhuah siamin, Luan Chhuah 2023 puala Arsenal ṭantu te, mahni remchan ang ang thawhtute chungah thinlung takin lawmthu an sawi takzet tih an sawi.