Mister Mizoram 2023 Lalhmangaihsanga

Bodybuilding & Fitness Association of Mizoram (BBFAM) chuan December 5-9, 2023 khan Mister Mizoram 2023 chu LPS Arena-ah neih a ni a, Saron Veng tlangval Lalhmangaihsanga chu Mister Mizoram-a thlan a ni.

Nikum khan MK Manuel Hmar chu Mister Mizorama thlan a ni a, kuminah erawh nikuma pahnihna Lalhmangaihsanga a rawn dingchang a, a training-na hmun Thor's Power Gym tan chanchin duhawm a tling.

BBFAM hian Mister Mizoram bakah Men's Physique, Junior Mister leh Fitness Championship an buatsaih. Men's Physique-ah Electric Veng tlangval David Muanthanga chu thlan niin Junior Mister-ah Dam Veng tlangval Lalchhandama thlan a ni a; CDBFA, Phoenix Fitness Centre-a training Stephen C. Thanmawia chu fitness ṭha bera thlan a ni bawk.