RFYC Naupang League

Reliance Foundation Young Champs Naupang League chu Mizoramah Aizawl, Lunglei, Champhai leh Kolasib-ah te khelh a ni a, Aizawl bik hi round tam zawk hi RG Stadium-ah neih a ni.

Round 33 khelh turah December 9, Inrinni khan round sarihna zawh a ni a, vawiin hian inelna chhunzawm tum ni mah se naupang school an la chawlh loh avangin December 16, Inrinniah khelh chhunzawm a ni ang. 

Reliance Foundation hnuaiah Emerging Talent atan Under 12 leh Under 14-ah player 16 ve ve thlan an ni a, December 4, Thawhṭanni aṭang khan heng player thlanchhuahte hi tlai lamah kar khatah vawi 3-4 training pui an ni.