Lukaku leh Zalewski hnawt chhuak

Pathianni zan Serie A inkhelah AS Roma striker Romelu Lukaku leh Nicola Zalewski te hnawhchhuah an ni a, player pahniha an kim lo chungin an mikhual Fiorentina nen 1-1 in an inhnehtawk.

Belgium striker Lukaku-a'n minute ngana lekah Paulo Dybala siamsak a khung a, second half-ah Fiorentina lamin Lucas Martinez Quarta hmangin an sut. Goal luh hma deuhin Zalewski chu yellow card pahnihna hmuh vanga hnawhchhuah a ni.

Lukaku pawh hun tawp dawnah Christian Kouame lakah a foul avangin hnawhchhuah a ni a, inkhelh bakah Roma manager Jose Mourinho leh a player zawng zawngin chanchinbumite an hmachhawn duh lo.