Leverkusen tan point khat chauh

Bayer Leverkusen-in Bundesliga-a hmahhruai belhchhah theihna hun ṭha an bawhpelh a, December 10, Pathianni zan khan VfB Stuttgart nen 1-1 in an inhnehtawk. Xabi Alonso hote hian match 14 an khelh tawh aṭangin hneh loh an la tawng lo a, point 36 hmuin Bayern Munich aiin point liin an hmu tam zawk.

MHPArena, Stuttgart-ah mualneituin bul an ṭan ṭha a, minute sarih chhungin goal chance ṭum hnih an nei hman. A hnuhnung zawk phei chu goal theihna ngei tur a ni a, Deniz Undav ball pet chu Leverkusen defender Edmond Tapsoba-a'n goalline aṭangin a dang.

Leverkusen pawhin minute 10 tlin hmain chance an insiam lehnghal a, Victor Boniface ball pek chu Amine Adli-a'n crossbar pet per nan a hmang. Inkhel a nung a, goal chance a tam a, minute 40-naah goal hmuh tur a awm. Josha Vagnoman ball pass ṭha chu goal ruakah Chris Führich-a'n goal ruakah a khung a, Stuttgart-in an khung hmasa zawk.

Second half ṭan aṭanga minute hnihnaah Leverkusen-in si phurh an sut lehnghal a, Boniface-a ball pass chu Florian Wirtz-a'n ṭha takin a khung. Goal dang a luh belh lo a, 1-1 in an inhnehtawk. Leverkusen-in hmahruaina belhchah turin chak duh mah se chak an phu bik lo, draw hi result awm tak a ni.