League Competition (MPL10 Handbook)

A7. Club zinga point inang hmu pahnih (2) an awm a nih chuan a sang zawk zawnna atan club pahnihte inkhel result ‘head to head’ en tur a ni. Heng club pahnihte hi an la inhnehtawk cheu a nih chuan ‘away goal rule’ hman tur a ni.

A8. Club pathum (3) emaw, a aia tam emaw point inang an awm chuan ‘head to head’ a en theih dawn loh avangin ‘Goal Difference’ en tur a ni. Goal difference-ah hian club zawng zawng intumna chu en tur a ni. An Goal Difference a la inang cheu a nih chuan a goal thun tam ber chu a sang ber an ni ang.

A9. A7 leh A8 hman hnu pawha team dinhmun a la inang a nih chuan club dinhmun inangte chu playoff (match khat) khelhtir an ni ang a; Playoff khelh hun leh hmun chu MPL Board kutah a awm ang.