PGBA-ah Mizo naupang pahnih

India rama badminton zirna ṭha ber pawl, Pullela Gopichand Badminton Academy, Hyderabad-a badminton zir turin Joel Lalramdinmawia leh Zoramthari te chu thlan an ni - an pahnih hian Champhai khua ve ve an ni.

Kum 14 mi Joel-a leh kum 13 mi Thartei te hi Pullela Gopichand Intensive Training Centre (PGITC), Aizawl-a badminton coaching kal lai an ni a, TATA Trusts (NEIDA), PGBA leh Mizoram Badminton Association (MBA) te thawh hona thar hnuaia PGBA-a full time training nei tura thlan thar hmasak berte an ni - an hmabak a êng hle.

Ralte Villa Club tana khel mek Thartei hi a kum la nau mah se tawnhriat a nei ṭha tawh hle - tun hnai lawka Bangalore khawpuia neih zawh tak All India Sub-junior Badminton Ranking Tournament-ah khan Under 15 Mixed Doubles category-ah semifinal a thleng a a, Girl's singles category-ah pre-quarter final a thleng bawk. Joel-a hi Badminton Club Republic tana khel mek a ni thung.