Australian Open khel tur Wozniacki

Caroline Wozniacki duh duhsak takin Asutralian Open khel thei turin wildcard pek a ni a, kum 2018 daih tawha a lo champion tawhna hmunah hian qualifying khelh hmasak ngai loin inelna a hmachhawn thei dawn.

Kum 33 mi Caroline Wozniacki hian Australian Open 2020 hnu khan tennis a chawlhsan a, inkhelh a chawlhsan chhan hi chhungkaw lam buaipui a ngaih vang a ni - mahse kumin August thla khan Montreal lama inelna neihah a lo kir.

Wozniacki chuan, "Melbourne khawpuiah hian sulhnu tam tak ka lo nei tawh a, ka thinlunga hmun pawimawh bik changtute zinga mi a ni. Ka tennis zinkawng sawi dawn chuan Australian Open hi sawi hmaih theih a ni lo," a ti. A champion ṭum hian final-ah Simona Halep a hneh.

Tennis season khat chhungin Grand Slam pali an khel ṭhin, chung zingah chuan Australian Open hi a hmasa ber a ni. Hard court inelna lian hi Melbourne Park-ah nakkum January 14-28 chhungin an khel leh dawn a ni.