Chennaiyin khelmualah Bengaluru

Indian Super League-ah zanin hian inkhel pakhat a awm dawn a, team talbuai pahnih an intawng dawn - Chennaiyin khelmualah Bengaluru an lenglut dawn a, inkhel en châkawm a ni.

Bengaluru hi an league match hnuhnung berah Mumbai City chuan 4-0 in an sawp a, hei hi hrethiam loin coach Simon Grayson chu an ban zui - coach lailawk Renedy Singh hoin an khel ang.

Bangalore club hian tun season ISL match kua an khelh tawhah vawi khat chiah chak an la nei a, vawi li draw neiin, vawi li an tlawm a, season hmasaa ISL final hruai thlengtu Simon an ban hi a awm lo hran lo.

Chennaiyin thawnthu a danglam thui bik lo hle - match kua an khelh tawhah vawi hnih chiah an la chak a, vawi thum draw neiin, vawi li an tlawm. Zaninah team pahnih hian insiamṭhat an tum ve ve ang.

Bengaluru hian Mizo midfielder Lalremtluanga Fanai an kawl a, Chennaiyin hian Mizo player kawl an nei lo thung.