Stimac-a'n player 50 a ko!

India coach Igor Stimac chuan Asian Cup 2024 khel tur a zawng ṭan a, nimin khan player 50 ngawt hming phochhuah a ni. A zatve aia tam an la chhawk leh dawn tihna a ni a, Croatian coach hian probable squad-ah a telh hnem hle - final squad-ah player 23 aia tam a awm theih loh.

Player 50 koh chhin zingah Mizo hming panga ngawt a lang a, East Bengal defender Lalchungnunga, Mumbai City midfielder Lalengmawia Ralte (Apuia), Mumbai forward Lallianzuala Chhangte leh Odisha player chhuanvawr Jerry Mawihmingthanga te an ni - Asian Cup khel tura thlan zinga tel chance an nei sang hlawm hle.

AIFF Player of the Year ni lai Lianzuala hi final squad-a tel chiangsaa ngaih a ni a, Apuia pawh Stimac-a'n a tel tur thu a hmaa a lo sawi tawh avangin a inhliam a nih loh chuan a tel chhunzawm a rinawm.

AFC Asian Cup 2023 hi Qatar-ah khelh tur niin, January 12 aṭanga khelh ṭan tur a ni a, February 10 thleng a awh ang. Blue Tigers hi group B-ah awmin, Australia, Uzbekistan leh Syria te nen an awm ho dawn a, a awlsam dawn lo.