Chhinga Veng tan point hmuh a ngai

Zote Toyota MPL10-ah nimin khan Aizawl FC-in FC Venghnuai an hneh a, a sang pali zingah a tel. Inkhel result avangin vawiin tlai inkhel a hmuhnawm sawt dawn a, Chhinga Veng tan semifinal lut turin Chanmari lakah tlawm a thiang lo.

Vawiin tlai dar 4:00 hian Chanmari leh Chhinga Veng te hi an inkhel dawn a, inkhel zawhah semifinal khel tur a chiang ang. Tun dinhmunah Chanmari, Mizoram Police leh Chawnpui ten semifinal an lut tawh a, palinaah Aizawl FC an awm mek.

I League club erawhin vawiin tlai inkhel result an nghah a ṭul dawn a, head to head-ah Chhingcows an tluk loh avangin an dinhmun erawh a ṭha lo. Chhinga Vengin Chanmari laka point an hmuh hrim hrim chuan semifinal an lut dawn a, Chanmari an chak chauhin I League club-in semifinal an khel ang.

Chhingcows-in an player neih ṭhat ber an luhtir dawn a; tlarhma lama awm MS Dawngliana, PC Lallawmkima leh Lallawmsanga te pawimawh ang thoin goalkeeper RS Lallawmzuala leh a ṭhiante an ṭangkai dawn. Chanmari erawhin semifinal an lut tawh a, player ṭhenkhat an hahdamtir dawn. Aizawl FC aiin Chhingcows dinhmun a ṭha zawk.