Mizoram under 16 team an chak

Cricket inelna Vijay Merchant Trophy (Men U-16) khelh laiah Mizoram chuan Sikkim chu run 125-in an hneh

Ravenshaw University Ground, Cuttack-a inelna neihah Mizoram chuan bat hmasain 1st innings-ah run 366 an siam a, mi pakua out in an duhtawk (declared) a ni.

Arunachal Pradesh an hneh ṭuma bat ṭha tak Imanuel Lalpekhlua, Ramhlun Venglai a khel ṭha leh hle a, ball 258 a hmachhawnah run 167 zet a siam thei. Ani bakah hian Malsawmhlua, Armed Veng chuan run 79 siam velehin Zodinsanga, Ramthar Veng chuan run 45 a siam bawk.

Sikkim lam bat-in run 244 siamin an out vek a, Arunachal Pradesh laka vawm ṭha tak Lalnunzira, Zemabawk chuan 1st innings-ah hian wicket nga a la leh a ni.

Mizoram lamin 2nd innings-ah an bat ṭha tawk lo, run 70 siamin an out vek. Sikkim tan target run 192 an tuksak - Sikkim lam tan run 192 hi target sang lutuk a ni hran lo. Mahse Mizoram hi fielding leh bowling lamah an che ṭha. Sikkim batting line up ṭhiatin run 67 lekah vawm out vekin hnehna an chang.