Goa-ah goal a lut lo

Thawhlehni zan khan ISL inkhel ngaihven hlawhah FC Goa leh Mumbai City an intawng a, goal khung loin an inhnehtawk - Goan club-in match riata point 20 hlawh chhuakin, table chung ber an luah chhunzawm a, Mumbai pawh palinaah an awm chhunzawm.

Mumbai tan Lalengmawia Ralte chuan inkhel bul ṭanin, Lallianzuala Chhangte chu bench aṭanga luhtir a ni bawk - Lianzuala hian goal khungna chance nei mah se a chhawr lo thung. Mumbai hian coach thar Petr Kratky hnuaia an match hmasa ber khelin, Kratky chuan, "Kan inkhel ka thlir a, point kan hmu hi lawmna tur a ni," a ti a, chak zo lo mah se a pawm.