La Liga-ah VAR hmang zel dawn

Kum 2018-a hman a nih ṭan aṭangin video assistant referee-in sawiselna tawk nasa viau mah se La Liga lam chuan tihtawp mai an la tum rih lo niin a lang a, Spanish Football Federation (RFEF) chuan VAR technology supply turin Mediapro chu kum li chhung atan contract thar an ziahpui.

Mediapro hian La Liga bakah Segunda chu VAR lamah a pui dawn a, season thar aṭanga 2027-28 season thleng RFEF nen hian an thawk ho ang. Kumin kumtira La Liga-a semi-automatic offside detection technology (SAOT) hman an duh thu sawitu RFEF chuan SAOT chungchanga thawhpui turin Hawk-eye chu kum li chhung atan contract an ziahpui a, anni pawh hian kum 2028 thleng La Liga hi an thawhpui dawn.

La Liga hi zaninah inkhel pakhat a awm dawn a, zan dar 1:30-ah Osasuna chuan Rayo Vallecano an mikhual ang.