Kalinga Super Cup-ah foreigner paruk

All India Football Federation chuan January 9-28, 2024 chhung hian Kalinga Stadium, Bhubaneswar, Odisha-ah Indian Super League leh I League club-te inelna Kalinga Super Cup a buatsaih dawn. Nimin khan AIFF chuan match day squad-ah foreigner paruk an tel theih tur thu an puang.

Chutihrualin foreigner paruk zinga pakhat tal hi Asian Football Confederation hnuaia player an nih erawh a ngai. Foreigner paruk an tih chhan hi AFC Champions League 2 an thlir tel vang a ni a, Asia rama football inelna sangah hian foreigner paruk a chhawr theih a, Super Cup-a champion hi he inelna khel tur hian an tling dawn.

ISL club 12 te chu group stage khel turin an tling nghal dawn a, I League club-te erawh group stage khelh hmain qualifying round an khelh a ngai dawn. Hei chauh hi a ni lo a, I League-a hnuai lam pali an tel dawn lo. A sang pasarihin second qualifying round an khel ang a, pariatna leh pakuana ten first qualifying round an khel ang. Mizo club Aizawl FC chu tel thei ni mah se, inelnaah hian anmahni duhthlanna hmanghin tel an tum lo a ni.

ISL club 12 te chu group stage khel turin an tling nghal dawn a, I League club-te erawh group stage khelh hmain qualifying round an khelh a ngai dawn. Season liam ta khan chuan Super Cup-a tel thei, inlan duh loh chu pawisa chawi tur a ni. Tun season-ah erawh team duhthlanna a ni tawh. Mizo club Aizawl FC chu tel thei ni mah se, inelnaah hian anmahni duhthlanna hmangin tel lo turin thutlukna an siam tawh a ni.