Khualmualah Rooney hote an chak

Manchester United legend Wayne Rooney-a'n kumin October 11 aṭangin Championship club Birmingham City a enkawl ṭan a, thla hnih a enkawl hnuah a vawi khat nan khualmualah hnehna a chang.

Nilaini zan khan Birmingham City hian Cardiff City an tlawh a, first half injury time-a Juninho Bacuna goal hmangin 1-0 in an chak. Birmingham hian Rooney hnuaiah match 10 khel tawhin vawi hnih chiah an la chak a, point 30 hmuh theih aṭangin point riat chiah an hmu.

Championship-ah Birmingham hi table-ah 16-naah an awm mek a, hmahruaitu chu Premier League aṭanga tla thla hlim Leiceter City an ni. Foxes hian Ningani zanah Millwall 3-2 in an hneh a, match 21 aṭangin point 52 an hmu tawh a ni.