Hneh loh la tawng lo Mohammedan

Tun season I League-ah Mohammedan SC-in hneh loh an la tawng lo a, Kolkata club hian Nilaini khan Namdhari chu 1-0 in an hneh. Namdhari Stadium-a inkhelah hian Goan winger Beneston Barretto chuan minute 81-naah Mohammedan tan chakna goal a khung.

Mohammedan SC hian match kua aṭangin point 23 an hmu a, hmahruaitu an ni mek. Pahnihna Sreenidi Deccan-in match 10 aṭangin point 20 an hmu a, Aizawl FC-in hmahruaitu Kolkata club hi khelh zat inangah point rukin an pha lo.