Sanga elpui tur BS-a, Rindika leh Dampuia

MPL hi vawi kua khelh a ni tawh a, champion ngun ber chu Lalsangzuala Hmar a ni. Melthum pa hian MPL2 khan H. Vanlalthanga puiin Chanmari FC tan nomawi an chawi a, ama pualin Chanmari FC, Chhinga Veng FC leh Chawnpui FC te a champion pui bawk.

Sanga hi MPL-a a zawna champion hmasa ber a ni a, club pathum champion pui hmasa ber a nih bakah club hran vek a champion pui bawk. Tun season-ah pawh Sanga hi champion thei zinga mi a ni a, a elpui tur coach-te chu Lalbiaksanga Colney, Lalrindika Hmar leh Laldampuia te an ni dawn.

Mizoram Police, Chawnpui FC leh Chanmari FC enkawltute hi MPL-a la champion lo vek an ni a; Bsa, Rindika leh Dampuia te tan MPL10 hi hun ṭha a ni dawn. Chutihrualin Mizoram team enkawl mektu Sanga pawhin nomawi hi ken a tum bik dawn lo.