Aston Villa boruak fuh chhunzawm

Premier League lamah ṭha leh tluang takin an kal a, inelna dang Europa Conference League lamah pawh an boruak a fuh chhunzawm zel. Unai Emery naute hian Zrinjski Mostar lak aṭanga point khat hlawh chhuakin Group E hmahruaitu an ni.

Ningani zan inkhelah goal kan hmu mai lo, substitute John McGinn-a siamsak Nicolo Zaniolo khung chu Villa chakna a ni dawn niin a lang hman, mahse minute 87-naah Mostar lamin Matija Malekinusic hmanga sutin 1-1 in an inhnehtawk.

Emery naute hian league match vawi ruk an khelh aṭanga point 13 hmuin an sang ber, an hnuaiah hian point 12 neitu Leiga Warsaw an awm thung, chak lo Mostar hi a hniam berah an awm ta thung a ni.