Kan mawhphurhna a ni - Mourinho

AS Roma manager Jose Mourinho chuan beisei anga season an hmang ṭha lo chu siamṭhat a ṭul tih a sawi a, an nihna ang taka an khelh chhuah leh theihna tura mawhphurtu chu anmahni bawk an ni tih a sawi.

Italian club hian Ningani zan khan Europa League an group match hnuhnung berah Sheriff chu 3-0 in an hneh, chak mah se match vawi ruk an khelh tawh aṭanga an point hmuh chu 13 a ni a, an chungah Slavia Prague an awm avangin Roma hian playoff an khelh a ngai dawn.

Serie A lamah pawh season bul an ṭan fuh loh an la tuar a, tun hnaiah khel ṭha pangngai viau mah se palina niin hmahruaitu Inter Milan an phak lohna chu point 13 a tling - Pathianni zan dar 10:30 hian Bologna an lenchilh ang.

Mourinho chuan, "Tuna kan dinhmun hi chu keimahni siam a ni a, playoff khelh ngaia kan awm pawh kan thiam loh a ni. Eng chhuanlam siam mahin thil a siamṭha thei tawh lo a, chuvangin tuna kan tih theih chu Bologna nen kan inkhelh huna result ṭha neih a ni," a ti.