Tiamchin awm loin Green hrem

Golden State Warriors forward Draymond Green chu thiam chin awm loa hrem a ni a, engtik hunah nge NBA huangah a hmel kan hmuh leh theih dawn tih a chiang ta lo - GSW tan chuan channa lian tak a ni ang.

Green-a hian Phoenix Suns nen an inkhelh ṭumin Jusuf Nurkic chu vir pahin a beng a, hnawhchhuah zui nghal a ni. Tun season chhungin vawi thum ngawt hnawhchhuah a ni tawh a, tiamchin awm loa hrem a nih chhan hi dah a bawhchhiat dan ngai anga a tih nawn vang a ni.

NBA champion vawi li ni tawh Golden State Warriors chuan Nurkic lakah ngaihdam an dil a, hremna erawh a pumpelh phah chuang lo - GSW coach Steve Kerr pawhin a player nen uluk taka an inbiak a ngaih thu a lo sawi ve tawh bawk.