Covington laka a kawnghren humtu Edwards

UFC 296-ah Leon Edwards chuan UFC welterweight title a kawl lai chu a humhim a, Colby Covington chu unanimous decision (49–46, 49–46, 49–46) hmangin a hneh - a title a vawi hnih humhimna a ni.

Kum 32 mi Edwards hian a MMA professional career-ah vawi 26 fight hmachhawnin, vawi 22 a chak a, vawi thum a tlawm zawkah ṭangin, vawi khat chu 'no contest' ah puan a ni. Edwards laka tlawm Covington hi kum 35 mi niin, vawi 21 fight a hmachhawn tawhah vawi 17 a chak a, tun hi vawi li a tlawmna chiah a ni thung.

Edwards chuan a hneh tak American fighter Covington chu a pa thihna chungchang a sawichhuah avangin a sawisel zui a, British fighter chuan, "Ka pa tualthihna chu mipui hip nan a hmang duh a ni.

"Khatiang boruak kara hahdam taka awm tur khan ka bei nasa em em a, ka nu leh ka team te ka bia a, boruak lian siam duh loin kan insum hram hram a ni. Press conference neih zawhah khan ka thinrim lutuk kha ka ṭap hial a, ka pa thihna khatianga a sawi chhuak kha na ka ti hle," a ti a, mawi lo taka a pa chungchang sawitu chu a ngawihtir ta.