United thlen chin semifinal

Ole Gunnar Solskjaer-a'n Europa League semifinal-a Sevilla a hmachhawn hmain, "Manchester United tan semifinal a tawk lo" tiin a sawi a, amaherawhchu FA Cup leh League Cup ang thoa final an thlen zawh loh avangin United zawk an ṭha tawk loah a ngaih theih.

Man United tlarhmain goal khung an harsat a, tlarhnung lam pawh insiamṭhat a ngai tho. Sevilla tana Luuk de Jong-a'n a khung zawh chiaha Bruno Fernandes leh Victor Lindelof te in au khum danah anmahni ngei pawh an khelh danah an lungawi lo tih a lang.

United manager Ole Gunnar Solskjaer chuan, "Pawm thiam a harsa khawp mai. Khelh ṭhat lai kan nei a, goal chance pawh kan ngah mah se goal kan khung thei lo," tiin a sawi. Norwegian manager hian minute 87-naah substitution hmasa ber a siam chauh a, inkhelh banah squad tih chhah a ngaih thu a sawi.

United hian League Cup semifinal-ah Manchester City an hneh lo a, FA Cup semifinal-ah Chelsea hneh lo bawkin tun ṭuma Sevilla an hneh loh nen tun season-a semifinal vawi thum an chak lohna chiah a ni a, an ṭha tawk lo tih nemnghehtu a ni.

Man United captain Harry Maguire chuan, "Team ṭha zawk kan chak lo a, kan goal chance hlah kan tuar a ni. Chutihrualin tlarhnung pawhin cross ball pahnih kan dang thei lo a, kan tawnhriat neih tlem rah kan seng a ni," tiin an chak loh chungchang a sawi ve bawk.