Taekwondo exam an nei

Mizoram Amateur Taekwondo Association buatsaihin 3rd session colour belt exam neih mek a ni. Aizawl khawpui tana exam-na chu December 16, Inrinni khan Electric Veng YMA Hall-ah neih a ni. Aizawl Club leh school hrang hrang 13 aṭangin Taekwondoist 243-in exam an hmachhawn.

Belt exam-ah hian colour belt chi hrang hrang, yellow, green, green one, blue, blue one, red belt leh red one te exam a ni. Subject hrang hrang physical fitness, basic technique, hand & leg technique, poomsae, self defence, sparring, breaking, speed endurance te a exam neih a ni.

Exam hi chief examiner Albert Lalrinfela, 2nd dan black belt hoin world taekwondo federation black belt panga - Vanlalmawipuia, Lalhriatpuii, B. Malsawmzuala, Malsawmtluangi leh C. Lalbiaknungi ten an endik.

3rd session colour belt exam hi December leh January 2024 chhung hian Aizawl bakah district hrang hrangah buatsaih a ni ang.