PFA Fans' Player of the Year Mane
Liverpool forward Sadio Mane chu Professional Footballers' Association Fans' Player of the Year atan thlan a ni a, Senegal international hian season hman zawh takah khan Liverpool-in Premier League nomawi an chawi theih nan goal 18-a khung a, assist vawi sarih a nei bawk.
Kum 28 mi Sadio Mane hi he chawimawina dawng thei tur hian Liverpool tana a khelhpui Trent Alexander-Arnold leh Man City thiampuipa Kevin De Bruyne nen chhawpchhuah an ni a, an pathum zingah hian fans vote a hmu sang ber.
Mane hian he chawimawina dawng tur hian vote tla aṭangin 41% ngawt a hmu a, KDB hian 27% hmuin Arnold hian 17% a hmu thung - player pahnih hian an thlau hle. Premier League-ah point 99 hmuin Liverpool an champion a, chawimawinain a um zui zel - coach Jurgen Klopp chu LMA Manager of the Season leh Premier League Manager of the Season atan thlan a ni tawh a, Trent Alexander-Arnold chu Premier League Young Player of the Season-ah thlan a ni bawk.
Football Writers' Asso-ciation Footballer of the Year atan club captain Jordan Henderson chu thlan a lo ni tawh a, Liverpool chuan an captain hi an player zinga ṭha berah thlangin LFC Men's Player of the Season-ah an thlang tel bawk a ni.