Sawmfela ni loin MS-a leh Lawma

Zote Toyota MPL10-ah Malsawmfela a hmuhnawm ṭhin a, Mizoram Police forward hian tun hma chu a pha tawh lo - tun season match 13-ah inlan mah se goal hnih chauh a khung. Chutihrualin Sawmfela hi MPL defender-te tan mangchhia erawh a la ni reng.

Tun season-a Police tana goal khungtu erawh R. Malsawmtluanga leh F. Lallawmkima te an ni zawk. Mizo midfielder hmuhnawm ber zinga mi MS-a hi inhliam vangin phase 1-ah match hnih chauh a khel a, minute 103 chauh a inlan. Hetichung hian amah enkawl ṭhintu Lalsangzuala Hmarin Santosh Trophy khel turin a ko a, MPL10 phase 2-ah chuan player danglam daih a rawn ni tawh a, midfielder ni chung siin goal nga a khung.

Police-in squad tihchhah nan civil player an la lut a, an lakluh zinga mi F. Lallawmkima chu an ṭangkaipui hle. Goalkeeper F. Lalmuanawma nau Lawma hian goal li a khung a, a goal khung ai mahin khelmual chhunga a taimakna chu team-in an ṭhatpui. Lawma hi Police tlarhmaah player pawimawh a ni a, tualchhung football-ah hming a chher chho mek.

Police goal khungtute

# Hming Goal

1 R. Lalmalsawmtluanga 5

2 F. Lallawmkima 4

3 Malsawmfela 2

4 Lalfakzuala 2

5 F Lalnuntluanga 1

6 H. Lalbiakthanga 1

7 Lalrothlanga 1

8 Lalthantluanga 1

9 Lalrinzuala 1

10 Lalhmunmawia 1

11 Lalnunsanga 1

12 Lalruatpuia 1

13 Lalbiakhlua (Hlutea) 1

14 Michael Lalbiaksanga 1

15 Lalramthara 1