Dortmund an chak nuamsa

Borussia Dortmund chuan season thar atana inpuahchah nan Altach, Austria-ah hun an hmang mek a, Pathianni zan khan friendly match-ah Austria Wien 11-2 in an sawp.

Dortmund tan hian Giovanni Reyna-a'n goal hnih a khung a; Raphael Guerreiro, Immanuel Pherai, Jadon Sancho, Emre Can, Marius Wolf, Thorgan Hazard, Jude Bellingham, Taylan Duman leh Nico Schulz ten goal khat ṭheuh an khung.

German club tan hian Manchester United nena sawi zawm Jadon Sancho pawh ṭum dang ang thoin a khel ṭha a, Birmingham aṭanga Dortmund zawmtu kum 17 mi Jude Bellingham nen bench aṭanga lutin goal an khung ve ve.

Borussia Dortmund hian Austria Wien an sawp hma hian Attach chu 6-0 in an sawp tawh bawk. Lucien Favre hote hian season ṭan hmain German club Paderborn nen August 28-ah friendly match an khel leh ang.