West Ham-in Wolves an sawp

Fulham laka 5-0 ngawta an mualpho hnuin West Ham an insiamṭha lehnghal a, Europa League-ah 2-0 a SC Freiburg hneh zuiin, an league match khelh leh hmasak berah Wolverhampton Wanderers chu 3-0 in an sawp bawk.

David Moyes-a enkawl team tan Mohammed Kudus chuan goal hnih khungin, Jarrod Bowen chuan goal khat a khung ve bawk a, hun tawp thlenga goal dang lut tawh loin Hammers hi 3-0 in an chak.

Hammers-in hnehna an chan avangin table-ah pariatnaah an chho a, pasarihna Manchester United chu point khat chiahin an phak lo mek.