Rangers-in goal an khung lo

Scottish Premiership-ah match thum zet a zawna hnehna an chan hnuin Rangers-in Pathianni zanah hnehna an chang zo lo a, an mikhualna ramah Livingston nen 0-0 in an inhnehtawk. 

Rangers coach Steven Gerrard chuan, "Hnehna min chanpui turte an inlar lo a ni. Season bul kan ṭan ṭhat chhunzawm zel kan duh a, fak pawh kan hlawh hman hle a ni. "Tunah chuan mipuiin kan khelh dan enin Livingston lakah kan tih tur ti tawk loah min puh ngei ang a, chu chu kan pawm a ngai a ni," a ti. 

Rangers hian table chung berah point 10 neiin hma an hruai mek a, an hnuai chiaha awm Hibernian nen an point hmuh zat inang mah se goal difference-ah an dinhmun a ṭha zawk a ni. Champion lai Celtic chu paruknaah awm mekin point rukin Rangers hi an thlau a, Celtic hi an player Boli Bolingoli-Mbombo-a'n Covid-19 dan a bawhchhiat avangin match hnih an khelh tur chu sawnsak an ni a, Rangers aiin match hnihin an khel tlem zawk.