Manchester City an hrem

Manchester City chu Tottenham Hotspur nen an inkhelh ṭuma an player-te an chetmawi loh avangin hrem an ni. England rama football thuneitu sang ber Football Association chuan pound 120,000 a chawitir.

Tun thla tir khan Citizens leh Spurs te hi 3-3 in an inhnehtawk, referee Simon Hooper thutluknaah an lawm loh avangin Man City player ṭhenkhat chuan Hooper hi a dinhual a, nasa taka ṭawng khumtu zingah hian Erling Haaland pawh a tel.

FA chuan thuchhuah siamin, "Manchester City FC chuan an player an thunun tawk lo tih an pawm a, an dinhmun chhuichiangtu lamin an thil hmuh leh hriat an tarlan hnuah hremna hi siam a ni," an ti.