Dec 21-ah Aizawl FC match hnuhnung ber

Aizawl FC-in kumin atana I League match hnuhnung ber chu December 21, Ningani zan dar 7:00 hian club Inter Kashi nen an khel dawn.

Mizo coach B. Malsawmzuala hnuaia khel Aizawl FC hian tun season-ah result ṭha tak nei mah se RG Stadium-ah result ṭha an nei tawh lo. AFC hian an muala match thum an khelhah chak, chak lo leh draw result an nei tawh a, point kua hmuh theih aṭangin point li an hmu.

Sawmtea hote hian khualmuala Shillong Lajong 3-0 a an hneh zawhah Gokulam Kerala an mikhual a, 1-1 in an inhnehtawk. I League nomawi beiseina chhi nung turin Mizo club tan Inter Kashi lakah hnehna chan ngei a ṭul a ni.

Mizo club hian I League match zawh hian chawlh an nei ṭan ang a, January 15, 2024-ah training an nei ṭan leh ang.