Europa leh Conference playoff

European football inelna sang pahnihna Europa League last 16 playoff khel tur pawh pawh a ni a, inelna hi nakkum February 15 leh 22-ah khelh a ni dawn a, playoff khel tur zingah English club an awm lo.

Jose Mourinho enkawl AS Roma chu an group-ah pahnihna an nih avangin playoff an khelh a ngai dawn. Italian club hian Feyenoord an tum dawn a, an elpui team ṭhenkhat aiin match khelh tur pahnihin an neih tam phah dawn tihna a ni.

West Ham, Brighton, Rangers leh Liverpool te chu group hmahruaitu an nih ṭheuh avangin last 16 an lut chiang nghal a, playoff paltlang team dangte nen nakkum March 7 leh 14-ah last 16 hi an khel ang.

Europa Conference League playoff pawh nakkum February 15 leh 22-ah bawk khelh a ni dawn. Playoff-ah hian Conference League group tina pahnihna leh Europa League group stage lama pathumna te an intawng dawn a ni.