Tiger Woods-a'n PGA Tour-ah nomawi la beisei

Golf legend Tiger Woods chuan PGA Tour-ah nomawi a la beisei a, nakkum 2024-ah thla khatah vawi khat zel inelna a hmachhawn dawn. Vawi 15 major tournament-a champion tawh Woods hi kum 2021 khan lirthei chesual avangin a ngal rek an zai a, tunah hian a inenkawl mek.

Kum 47 mi Woods chuan, "Ka inzir ṭhat a, tithei nia ka la inhriatte ka la tih theih chuan inelna khel tlak ka la ni ang," tiin a sawi a, a ke erawh a enkawl uluk a ngaih thu a sawi.

Woods hian kum 2019 khan Japan-ah Zozo Championship-ah a champion a, Sam Snead-a record nih rualin Tour 82-ah hnehna a chang a ni.