Man City goal khung zan?

Manchester City-in zanin dar 1:30 hian West Brom an mikhual dawn a, Pep Guardiola hoten derby match-a hnehna an chan zawh loh hnuah chak ngei an tum dawn.

Man City goal khung khawl Sergio Aguero chu damloh avangin a dinhmun a la chiang lo a, chutihrualin tlarhma player Raheem Sterling, Kevin De Bruyne leh Gabriel Jesus te an dam ṭha. Man United nena bench-a awm Ilkay Gundogan leh Ferran Torres ten Baggies nen Fernandinho leh Riyad Mahrez te an thlak a rinawm.

Baggies hian kartawp khan Newcastle 2-1 in an hneh lo a, hei chauh hi a ni lo. West Brom hian tun season Sheffield United 1-0 an hneh tih loh chu chak an la nei lo a, goal 25 chhuah tawhin goal chhuah tam ber an ni bawk.

Premier League kai thar Baggies tan relegate pumpelh turin tun aia chet ṭhat a ṭul a, amaherawhchu Man City laka point hmuh chu a harsa dawn. Pep Guardiola hote hi champion rinkai ni pha mah se point 19 chauh an la hmuh avangin pakuanaah an awm a, season tawpa nomawi chawi turin chetsual a thiang lo.