MPL10 Mimal Lawmman Chanmari leh Police tan 50%

Zote Toyota MPL10-a mimal lawmman dawng thei tur nominee chu nimin khan MPL Board-in a ti chhuak a, player 20 thlanchhuah aṭanga player 10 chu Chanmari FC leh Mizoram Police aṭangin a ni. MPL10 finalist te hian player panga ve ve an thawh.

Semifinal-a vanduai Chhinga Veng FC leh Chawnpui FC te player pathum ve ve an thawh a; Aizawl FC-in player pahnih thawhin Electric Veng FC leh Project Veng FC ten player pakhat ve ve an thawh bawk. Table mawngphaha awm FC Venghnuai aṭangin player thlan an ni lo.

December 12, Zirtawpni zanah Chanmari leh Police ten MPL10 final an khel dawn a, inkhelh zawhah mimal lawmman dawng tur hi puan a ni ang. Position tina mimal lawmman bakah hian best player thlan a ni dawn a, top scorer hnenah lawmman pek a ni bawk ang.