Dortmund-in coach Favre an ban

Borussia Dortmund chuan an coach Lucien Favre an ban a, assistant coach Edin Terzic chuan tun season tawp thleng a enkawl zui ang. Zanin dar 1:00 a Werder Bremen nen Bundesliga an khelh hunah Terzic-a'n a naute a kaihruai ṭan ang.

Champions League group F-ah Durtmund hi hmahruaitu ni chungin last 16 an lut. Bundesliga match 11 khelh tawh chinah champion lai leh pahnihna ni mek Bayern Munich an phak lohna chu point nga a ni.

Dortmund dinhmun hi chhe tak a ni hran lo, mahse tun hnaia league match an khelh hnuhnung vawi ngaah ṭum khat chiah hnehna an chang. An match hnuhnung berah kai thar VfB Stuttgart mikhualin 5-1 zetin an mualpho.

Dortmund sporting director Michael Zorc chuan, "Thutlukna siam harsa leh hrehawm tak chu a ni. Chutih rualin tun season chhunga kan thlen tum leh hmabak la neih te ti hlawhtling loin kan zuihral ang tih a hlauhawm ve bawk," a ti.

Kum 63 mi Favre hian season hnuhnung pahnihah Dortmund hi Bundesliga nomawi chawipui lo mah se pahnihna dinhmun a luahpui a, an chungah Byern an awm. 2019 khan German Super Cup chawiin a sulhnu neih lian a ni.