Kut themthiam zirna khâr

Mamit DC pisa leh Mission Foundation Movement-te'n Mamit district-a ṭhalaite eizawnna atana kut themthiam thil zirna (skill training) an buatsaih chu nimin khan IPR conference hall-ah khâr a ni a; training zo mi 25-te chu thuchei leh Rs 20,000 hû bungrua pek ṭheuh an ni.

Training hi NITI Aayog hnuaia Special Skill Development Training, Mamit Aspirational District hnuaiah 'Enhancing employability by imparting skills among youth in Mamit district' tih thupui hmangin ni 45 chhung kalpui a ni a; project hnuaiah hian trade pahnih - beauty therapist (permanent makeup)-ah mi 15 leh carpenter & wooden furniture-ah mi 10-in eizawnna atana an hman theih tur thil pawimawhte an zir a ni.