Police hun a inher chhuak dawn - BS-a Colney

Mizoram Police hi MPL-ah an la champion ngai lo a, coach Lalbiaksanga Colney-in Polie tan hun ṭha a inherchhuah tur thu Vanglaini a hrilh. BS-a Colney chuan, "Chanmari FC khelh dan kan zir uluk a, an ṭhatna lai leh ṭhat lohna lai pawh kan hre ṭhain ka hria. Training uluk takin kan nei a, Chanmari hi kan hneh theih ngei ka ring," tiin Vanglaini a hrilh.

Police hian veng innghahchhan an neih loh avangin ṭantu nei ṭha tawk loah an ngai ṭhin a, mah se ṭantu nei chhia tia sawi tur an ni ngai lo. BS-a Colney chuan, "Ṭantu kan nei ṭha dawn. Armed Veng leh Armed Veng South pawhin min thlawp ṭha ang. Police chhungkua hi kan lian a, kan thawm pawh a ṭha ang," tiin ṭantu an neih ṭhat tur thu a sawi.