Zaninah MPL10 mimal lawmman dawng tur a hriat dawn

Mizoram Premier League hnuhnung pahnih thlirlet chuan MPL mimal lawmman hi champion team-in an hui hnem hle. MPL9-ah khan Chawnpui FC an champion a, best goalkeeper tih loh chu an hui vek. MPL8-a Aizawl FC an champion pawh khan top scorer tih loh chu an hui vek bawk.

MPL10-ah pawh hian finalist Chanmari FC leh Mizoram Police-in nominee panga ve ve an thawh a, champion hian kawngro a su viau ang. Top scorer bik erawh semifinal khel pha lo Aizawl FC chanah a ngaih theih tawh.

Mizoram Police hian Malsawmfela leh F. Lallawmkima te an nei chungin best forward nominee-ah player an thawh lo a, Chanmari erawh position tinah player an thawh vek.