Mumbai vs Bagan - red card pasarih!

Nilaini zan ISL inkhelah Mumbai City leh Mohun Bagan an intawng a, red card pasarih ngawt phawrh a ni - Mumbai hian 2-1 in hnehna an chang.

Minute 13-na lekah Mumbai fullback Akash Mishra chu hnawhchhuah a ni a, Bagan lamin Jason Cummings hmangin goal an khung zui. Mahse, Mumbai tan Greg Stewart chuan first half-ah si phurh a sut a, minute 73-naah Bipin Singh chuan chakna goal a khung zui.

Bagan an lawm lo - an goal hnihna an chhuah hma, second half ṭantir lamah Asish Rai leh Liston Colaco chu hnawhchhuah an ni.

A la tawp lo cheu - Mumbai forward Stewart chuan minute 88-naah a yellow card pahnihna a hmu a, Vikram Pratap Singh chu hun pek belhah chhuahtir a ni bawk.

Inkhel hamrik tawp hnuah an la inhnial buai avangin Mumbai captain Rahul Bheke leh Bagan defender Hector Yuste te hnawhchhuah leh an ni a, red card pasarih ngawt phawrh a ni.

Mumbai tan Lalengmawia Ralte (Apuia) leh Lallianzuala Chhangte ten inkhel bul ṭanin, Hmingthanmawia Ralte chu bench aṭangin a lut.