FA-in Brentford leh Villa thubuai siamsak

English football-a thuneitu sang ber Football Association chuan Aston Villa leh Brentford chu Pathianni zana an inkhelh ṭuma an player-te an thunun zawh loh avangin thubuai a siamsak a, team pahnih hian vawiin thlengin FA thubuai siamsak hi an khinglet thei ang.

Kar hmasa inkhelah hian Villa hian 2-1 in Brentford hi an hneh a, boruak a sosang hle - he inkhelah hian Villa midfielder Boubacar Kamara leh Brentford defender Ben Mee te chu hnawhchhuah an ni. Player 10-in yellow card an hmu a, Bees boss Thomas Frank leh Villa manager Unai Emery te pawh yellow card pek an ni.

Villa hian zanin dar 1:30-ah Sheffield United chu league match khel turin an mikhual dawn a, hnehna an chang a nih chuan Arsenal tlanpelin table chung ber an luah ang. Inrinni zana Arsenal leh Liverpool inkhela chak zawk an awm loh chuan table chung ber luah chungin Krismas an hmang thei dawn.