Basketball inelna zo fel

Aizawl District Basketball Assocation buatsaih - Thansanga & Sons Yamaha Auto Division Division Screening Tournament chu Ningani zan khan Hawla Indoor Stadium, Republic Vengthlangah khelh zawh a ni.

1st Division inelna huangah Bethlehem Vengthlang chuan Chhinga Veng hnehin an champion, hemi division bikah hian team pariat an awm mek a ni. Model Veng chu 2nd Division champion an ni a, anni hi division sangah an kai chho ang.

Club 55 zet awmna 3rd Division huang aṭangin club 12 ten second division an kai, an inelna huangah hian Armed Veng South hnehtu Kicksology chu a chungnung ber thung a ni.